كلمات: يا أمة ضحكت من جهلها الأمم

كلمات تأثرت بها

-قال الله تعالى:(قل لن يصيبنا إلا ماكتب الله لنا).

-قال تعالى:(ومن يتق الله يجعل له مخرجا ويرزقه من حيث لايحتسب).

-قال رسول الله صلى الله عليه وسلم:(احفظ الله يحفظك،احفظ الله تجده تجاهك،وإذا سألت فاسأل الله،وإذا استعنت فاستعن بالله, واعلم أن الأمة لو اجتمعت على أن ينفعوك بشيء لم ينفعوك بشيء إلا قد كتبه الله لك وإن اجتمعوا على أن يضروك بشيء لم يضروك إلا بشيء قد كتبه الله عليك ، رفعت الأقلام وجفت الصحف).

- لو اطلعتم على الغيب لاخترتم الواقع .

-النفس كالكأس إن لم تملأ بالماء ملئت بالهواء (علي بن أبي طالب).

-لاتيأسن من لطف ربك في الحشا،في بطن أمك مضغة ووليدا،لو شاء أن تصلى جهنم خالدا،ماكان ألهم قلبك التوحيدا.(الإمام الشافعي)

-نعيب زماننا والعيب فينا ومالزماننا عيب سوانا،ونهجو الزمان بغير ذنب ولو نطق الزمان لنا هجانا،وليس الذئب يأكل لحم ذئب ونأكل بعضنا بعضا عيانا.(الإمام الشافعي)

-اعملي ماعليكي واتركي الباقي على الله ولاتفكري في أخطائك إلا لتتعلمي منها.(والدي)

-إذا لم نلتق في الأرض يوما وفرق بيننا كأس المنون
فموعدنا غدا في دار خلد بها يحيى الحنون مع الحنون (.....)

-آه ما أقسى الجدار عندما ينهض في وجه الشروق،ربما ننفق كل العمر كله ننقب عن ثغرة،ليمر النور للأجيال مرة..ربما لو لم يكن هذا الجدار ما عرفنا قيمة الضوء الطليق.(أمل دنقل)

-خير جليس في الزمان كتاب.(المتنبي)

-لا تكن بركة فتأسن بل نهرا عريضا يجر بغير أناة.(محمد خليفة التونسي)

-وأعشق عمري لأني إذا مامت أخجل من دمع أمي(محمود درويش)

-لكل شيء إذا ما تم نقصان فلا يغر بطيب العيش إنسان،هي الأمور كما شاهدتها دول،من سره زمن ساءته أزمان(أبو البقاء الرندي)

-الذي يحب كالذي يكره لايرى بوضوح.(أنيس منصور)

-لانهر يرجع للوراء.(نزار قباني)

-العالم لايحتاج للنصائح بل للقدوة..فكل الحمقى لا يكفون عن الكلام.(تشي جيفارا)

-إذا كان أمامك طريق محدد واضح فامشي عليه ولاتحيدي ولاتتوقفي للتساؤل عن قيمته.(د.أحمد خالد توفيق يرد على إحدى قارئاته)

-live your life properly and the dreams will come to you.(Randy Pauch)

-Be Yourself, Everyone Else is Already Taken (Oscar Wilde

-أفضل أن أكون عاهة حقيقية على أن أكون لؤلؤة مزيفة(محمد الماغوط)

-الحل الوحيد للمشاكل النفسية : لا تكن عاطلا لا تكن وحيدا (د.أحمد خالد توفيق)

-فابتسم مابينك والردى شبر فإنك بعد لن تتبسما(إيليا أبي ماضي)

-السعادة..هي أن تبقى بعيدا عن الحزن..حتى وإن كان الحزن قابعا بداخلك..تذكر نعم الله عليك..ابتسم واهمس من قلبك "الحمد لله

Fatma's favorite quotes

Goodreads Quotes

Fatma's book montage

ما وراء الطبيعة: 42 - أسطورة الكلمات السبع

Fatma Mohamed Tawfik's favorite books

الثلاثاء، 29 ديسمبر 2009

يا أمة ضحكت من جهلها الأمم

مرسلة بواسطة Faraway في 11:14 م

18 نوفمبر

2009انهاردة هتكون مباراة مصر والجزائر ال هتحدد مين فيهم هيروح كاس العالم

وبما إني مصرية من الطبيعي إني أشجع مصر وأتمنى إنها تفوز

ولكني في هذه اللحظة بعلن قدام كل البشر إن حلمي بإن مصر تفوز وفرحتي بيها لو فازت حاجة عبيطة جدا وتافهة وسطحية جدا جدا مقارنة بحزني لكل ال بيحصل بين البلدين بسبب المباراة دي

طبعا كان التعصب واضح من قبل المباراة الفاتت ال كانت في استاد القاهرة بس متخيلتش أبدا إن الأمور توصل للدرجة دي

إن شاب جزائري يعمل فيديو ويطلع يقسم بالله إن مبقاش مهم بالنسبة لهم كاس العالم وإن هم رايحين الخرطوم عشان ياخدوا بالثأر ويموتوا المصريين ويسيحوا دمه

موكل ده نتيجة لأن جريدة الشروق الجزائرية عايزة تعمل خبطة صحفية وقالت إن 13 جزائري ماتوا في القاهرة وواحدة حامل جزائرية اعتدوا عليها المصريين وأجهضت

امتى حصل ده وفين ده ال 13 جزائري نفسهم دول طلعوا وقالوا إنهم أحياء وإنهم سافروا الخرطوم من القاهرة ومفيش واحد جزائري اتأذى في مصر ولا في استاد القاهرة الذي أطلق عليه الجزائريون اسم استاد تل الأبيب

ده احنا الأمن كله هنا كان مسخر لحمايتهم وكان بيحتفلوا قبل الماتش براحتهم وبأعلامهم وأغانيهم في القاهرة عادي جدا ولا حد جه جنبهم

في حين إن المصريين ال راجعين من الجزائر بيقولوا إنهم كانوا مضطرين يمسكوا أعلام الجزائر عشان ميعتدوش عليهم الجزائريين ال هناك

وطبعا كلنا عارفين ال حصل لمكاتب مصر للطيران وأوراسكوم تليكوم ال في الجزائر ال اتحرقت واتدمرت

أنا مش بكتب البوست ده عشان بدافع عن مصر أو بهاجم الجزائر وشعبها لأني بديهم بعض العذر لأن ال بيعملوه ده نتيجة للشحن الإعلامي ال عندهم والإشاعات المغلوطة ال وصلتهم

بس ده طبعا لا يبرر أي حاجة من ال بيعملوها دي لأن أن احنا المصريين على الرغم من كل ال هم بيعملوه فينا ده معملناش فيهم حاجة وإن شاء الله مش هنعمل لأن ده مش صح

لكن أنا بكتب البوست ده عشان أقول إن دي مباراة كرة قدم يعني لعبة .. بقى لعبة تعمل فينا ده كله .. يعني احنا أساسا كعرب وكمسلمين متفرقين ومتخلفين وحالنا بالبلا .. يعني مش ناقصين حاجة تاني تيجي تفرقنا ف تيجي مباراة تعمل فينا كل ده

مش عارفة أقول ايه بس كفاية أقول إن الصحف الإسرائيلية بتقول اننا شعوب متخلفة وبتتمنى مباراة من النوع ده بين فتح وحماس عشان تخلص منهم

كفاية إني أقول إن واشنطن امبارح وافقت على بناء 900 مستوطنة جديدة في فلسطين واحنا عادي احنا ولا احنا هنا ومن الواضح إن الحاجات دي مبقتش بتهمنا خلاص

كفاية إني أقول إن احنا في أيام حرم (العشر الأوائل من ذي الحجة) ال العرب أيام الجاهلية قبل الإسلام كانوا بيمتنعوا عن الحرب والقتال فيهم لكن احنا دلوقتي واحنا مسلمين مستعدين نموت بعض فيهم عشان ماتش كورة

كفاية إني أقول حديث رسول الله صلى الله عليه وسلم :(لأن تهدم الكعبة حجرا حجرا أهون عند الله من أن يراق دم مسلم) وإن الحديث ده كنا دايما بنقوله لما بتحصل مجازر للمسلمين على يد أعدائنا من الإسرائليين وغيرهم لكن دلوقتي بنقوله خوفا من ال ممكن يحصل بين المسلمين نفسهم

معنديش كلام تاني أقوله غير ان ربنا يصلح حال المسلمين ويهدينا ويحفظنا من الفتن وربنا يستر من ال هيحصل انهاردة بعد المباراة

اللهم إني بلغت اللهم فاشهد

يا أمة ضحكت من جهلها الأمم

1 Comment:

Faraway said...
29 ديسمبر 2009 في 11:21 م
أنا كنت كتبت الكلام ده على صفحتي في الفيسبوك قبل الاحداث ال حصلت في الخرطوم .. وبعد الاحداث دي بقول ان كنت هاجمت الاعلام الجزائري في النوت ده عشان بيشحنوا الجزائريين ضد مصر .. ف أنا بعد احداث الخرطوم بعيب برضه على الاعلام المصري عملية الشحن ال قامت بيها الفضائيات ضد الجزائريين .. وكل ده لحساب الفضائيات طبعا والكسب الاعلامي لا اكثر لا اقل .. وحسبي الله و نعم الوكيل في كل حد استغل المباراة دي عشان يفرق بين المسلمين وبعض وبين العرب وبعض

كلمات

Islamic Calendar

كلمات تأثرت بها

Fatma's favorite quotes

Fatma's book montage

الثلاثاء، 29 ديسمبر 2009

يا أمة ضحكت من جهلها الأمم

1 Comment:

أنا

تدوينات قديمة

Labels

المتابعون

مواقع بدخلها كتير

مدونات عجبتني